Monday, April 11, 2016

४० अप्रिल मा ग्यास आउने


२८ चैत, काठमाडौं । नेपाल आयल निगमले भारतीय आयल कर्पोरेशनसँग अप्रिल महिनामा ४० हजार मेट्रिक टन ग्यास उपलब्ध गराउन माग गरेको छ ।

बजारमा जति ग्यास आएपनि उपभोक्ताले सहजरुपमा ग्यास नपाएपछि आयल निगमले ४० हजार मेट्रिक टन ग्यास उपलब्ध गराउन आग्रह गरेको हो ।

आफ्नो प्रस्तावमा भारतीय आयल कर्पोरेशन (आइओसी)ले सकारात्मक जवाफ दिएकाले अप्रिलमा पनि ग्यासको आयातदर बढ्ने आयल निगमका प्रवक्ता मुकुन्द घिमिरेले अनलाइखबरलाई बताए ।

बुलेट थपिने

समान्य अवस्थामा नेपालमा २९ हजार मेट्रिक टन ग्यास खपत हुन्छ । मार्च महिनामा ३० हजार १ सय मेट्रिक टन ग्यास आयात भएको थियो ।

मागभन्दा बढी ग्यास आयात हुँदा पनि बजारमा अभाव सामान्य पनि भएको छैन । भारतले अहिले दैनिक १ हजार ८ टनसम्म ग्यास लोड दिइरहेको प्रवक्ता घिमिरेले बताए । लोडिङ केहीदिनपछि अझै बढ्ने उनको दावी छ ।  त्यसका लागि बुलेट थप्ने निगमको तयारी छ ।

विकल्पमा तेस्रो मुलुकको ग्यास

अपि्रल महिनामा ३५ हजार मेट्रिक टन भन्दा बढी ग्यास आयात हुने आयल निगमको दावी छ । बजारमा ग्यास आयात सहज बनाउन आपूर्ति बढाउने र अनुमगन कसिलो पार्ने काममा आफुहरु खटिएको आपूर्ति मन्त्रालयका प्रवक्ता आनन्दराम रेग्मीले बताए ।

‘हामी आपूर्ति बढाउने र समस्याको जरो पत्ता लगाउने काम गरिरहेका छौं’ उनले भने-‘भारतबाट हुने आयातले अभाव हटेन भने तेस्रो देशबाट पनि ग्यास ल्याउने एक मात्र विकल्प बाँकी रहन्छ ।’

रेग्मीले चीनसहित तेस्रो मुलुकबाट ग्यास ल्याउनेबारे अध्ययन र गृहकार्य भइरहेको बताए ।

Sunday, April 10, 2016

मिर्गौला रोगको उपचारमा राज्यको विशेष ध्यान जानुपर्छ – अध्यक्ष दाहाल

काठमाडौँ, एकीकृत नेकपा (माओवादी)का अध्यक्ष पुष्पकमल दाहालले मिर्गौला रोगीको उपचारमा राज्यले विशेष ध्यान दिनुपर्ने बताउनुभएको छ ।
parchanda
आज आफ्नै निवास लाजिम्पाटमा मिर्गौलापीडित सङ्घ नेपालले बुझाएको ज्ञापनपत्र बुझ्दै उहाँले स्वास्थ्य सेवा पाउने अधिकार संविधान प्रदत्त मौलिक अधिकार भएकाले राज्यले उचित उपचारको प्रबन्ध हुनुपर्नेमा जोड दिनुभयो ।
अध्यक्ष दाहालले स्वास्थ्य सेवा सर्वसुलभ नहुँदा नागरिकले दुःख कष्ट र हैरानी खेप्न बाध्य हुनुपरेको उल्लेख गर्दै आगामी आर्थिक वर्षको बजेट वक्तव्यमा मिर्गौला रोगीको उपचारका लागि विशेष प्रबन्ध गर्न पहल गर्ने विश्वास दिलाउनुभयो ।
पर्याप्त ऐन कानुनको अभावमा पीडितले विभिन्नखालका झमेला, हैरानी बेहोर्नुपरेको भन्दै उहाँले उपचारकै अभावमा कोही कसैको ज्यान नै जानुपर्ने अवस्थाको अन्त्यका लागि राज्यका तर्फबाट विशेष पहल गर्नुपर्ने स्पष्ट पार्नुभयो ।
दैनिक मिर्गौलापीडितको सङ्ख्या बढ्दै जानु दुःखद भएको भन्दै उहाँले खानपिन, आहारमा पनि विशेष ध्यान दिनुपर्ने र जनचेतना बढाउनेतर्फ पनि विशेष ख्याल गर्नुपर्ने सुझाव दिनुभयो । महामारीको रुप लिन खोजिरहेका बेला राजनीतिक नेतृत्व, सरकार र हामी आफैँले पनि विचार गर्नुपर्ने बेला आएको अध्यक्ष दाहालको कथन थियो ।
सङ्घका प्रतिनिधिले आगामी आर्थिक वर्षमा मिर्गौला रोगीको उपचारमा विशेष व्यवस्था गर्न र राज्यका तर्फबाट विशेष सहुलियत उपलब्ध गराउन अध्यक्ष दाहालको ध्यानाकर्षण गराएका थिए । रासस

एसएलसी दिएर बसेकालाई नेपाल टेलिकमको आकर्षक अफर !

एसएलसी दिएकालाई नेपाल टेलिकमले आकर्षक अफर ल्याएको छ । नेपाल टेलिकमले २०७२ सालको एसएलसी परीक्षामा सहभागी भएका विद्यार्थीहरुलाई लक्षित गरेर नयाँ योजना सार्बजनिक गरेको हो ।
sim_card-400x200
योजना अनुसार विद्यार्थीहरुले रु. ९०– रुपियाँमा सिम्म कार्ड प्राप्त गर्ने छन् । त्यसमा रु. ५०– बराबरको टक भ्याल्यु र तीन सय एमबी डाटा निःशुल्क उपलब्ध हुने छ । साथै त्यस सिम एक्टिभ भएको मितिदेखि ६ महिनासम्म प्रत्येक महिना ५० एमबी डाटा पनि निःशुल्क प्राप्त गर्ने छन् ।
यो सुबिधा प्राप्त गर्न विद्यार्थीहरुले एसएलसी परीक्षाको प्रवेश पत्रको प्रतिलिपि, विद्यार्थी स्वयं वा निजको अभिभावकको नागरिकताको प्रतिलिपि तथा नेपाल सरकारबाट जारी गरिएका परिचयपत्र मध्ये कुनै एकको प्रतिलिपि पेश गर्नुपर्नेछ । सो योजना २०७३ असार मसान्तसम्म कायम रहने छ ।

परासीमा सवारी चेकजाँचमा नयाँपन


सधैँ ट्राफिक प्रहरीले मात्रै सवारी चेकजाँच गर्दै आएपनि परासीमा भने ट्राफिक प्रहरी सँगै नागरिक समाज र पत्रकार समेत मिलेर सवारी चेकजाँच गरिएको छ । सवारी दुर्घटना न्यनिकरणकालागी एक्लो प्रयासबाट मात्रै सम्भव नहुने सोमबार भन्दै मिलेर सचेतनामुलक ट्राफिक चेकजाँच गरिएको ट्राफिक प्रहरीले जनाएको छ । ट्राफिक प्रहरीले समय समयमा ट्राफिक नियम उल्लघंन नगर्न आग्रह गर्ने, उल्लघंन गर्ने कारवाहि गर्ने लगायतका कार्य गर्दै आएको भएपनि दुर्घटनामा कमि नआएकोले आज नागरिक समाज, पत्रकार, यातायात व्यवसायीको उपस्थीतीमा परासी स्थीत भैरहवा भुमही सडक खण्डको बालगोविन्द आयल स्टोर्स चोकमा सवारी जाँच गरिएको ट्राफिक प्रहरीले जनाएको छ ।
प्रहरीले जाचसंगै ट्राफिक नियम उल्लङघन गर्ने सवारीलाई तुरुन्दै  कारवाहि तथा  जरीवाना  समेत  गरेको छ ।  ट्राफिक प्रहरी कार्यालय परासीका प्रहरी नायव निरिक्षक कृष्ण पाण्डेको कमाण्डमा खटिएको ट्राफिक प्रहरी र प्रहरी नायव निरिक्षक उज्जल पौडेलको कमाण्डमा खटिएको नेपाल प्रहरीको टोली सहित नागरिक समाजका अध्यक्ष शम्भु उपाध्याय, कृषक हक हित संरक्षण मन्चका कार्यबाहक जिल्ला अध्यक्ष सुमित्रा गौड, पत्रकार लगायतले  सवारीलाई रोकेर  जाच गर्नुभएको थियो ।
जाचका क्रममा चालकको सट्टा सहयोगीले सवारी चलाएको, लाईसेन्स  विलबुक साथमा नराखेका , आरक्षित सिटमा यात्रु नराखेको क्षमता भन्दा बढी लोड गरेको लगायतका अवस्था भेटिएको ट्राफिक प्रहरी कार्यालय परासीका प्रहरी नायव निरिक्षक पाण्डेले बताउनुभयो । सवारी नियम उल्लघंन गर्नेलाई ट्राफिक नियम पालना गर्न आग्रह गरिनुका साथै तत्काल कारवाहि समेत गरिएको थियो । सो क्रममा सत्तरी वर्ष नागेका जेष्ठ नागरिकलाई सवारीमा यात्रा गर्दा पचास प्रतिशत सम्म भाडा छुट दिने व्यवस्था कार्यान्वयन गर्न पनि आग्रह गरिएको थियो । ट्राफिक प्रहरी नायव निरिक्षक पाण्डेले सवारी दुर्घटना न्यनिकरणकालागी प्रहरी मात्रै लागेर नहुने भएकाले यातायात व्यवसायी, नागरिक समाज  संचारकर्मी समेतको सहयोगले प्रभावकारी हुने र चेतना समेत हुने भएकाले यस्तो अभियान गरिएको बताउनुभयो । उहाले यस कार्यलाई निरन्तरता दिने र नवलपरासीमा सवारी दुर्घटना कम गर्नकालागी सरोकारवाला सँग  समन्वय गरि जनचेतनामुलक कार्यक्रम संचालन गर्ने जानकारी दिनुभयो ।

Nepali Gorkhali

We are proud to be Nepali, Gorkhali